விலகி நடக்கிறேன்
விட்டு விலகிடும்
நாடகமாய்

தெரியும் உன் தலை
கண்ணாக உயரும்முன்
வாசம் மறைக்கத்தெரியா
மல்லிகையாய் பதுங்குகிறேன்

குரலுயர்த்தி பேசிச் செல்வாய்
எனைக்கூப்பிடும் விதமாய்
காதுக்கும் கட்டளையிட்டு
கண்மூடி இருந்திடுவேன்

சோகம் கொண்டுதிரிவாய் பின்
கோபம் கொண்டு கொலையாக்க எனை
தேடி அலைவாய்

நீரில் இட்ட கல்லாய்
நிகழ்வுகள் நான் நடத்த
நிறையும் காதல் குடம்
விலகிடும் விலகியமனம்
விளக்கவே முடியாமல்
விலகவே முடியாமல்