பிப்ரவரி 14:

 

முகை மொக்குள்
பொதித்த காதல் வாசம்
என் நகை மொக்கால்
காட்டிக்கொடுக்குமே
❤️
கூடலைத்தேடியே
ஊடலில் விழுகிறாய்
சமாதனச்சிலுவையாகி
என் விரல் கேசம் கோத

❤️
பிணங்கி உன்னிடம்
பிரிந்த என்னிடம்
கயமை கொள்கிறது மனம்
எனை மீறி உனை நினைந்து
❤️

உனை வெறுக்கும் எனைக்கொல்ல
நீ அனுப்பா கூலிப்படை
என் மனம்
❤️
வெட்கமில்லை நாணமில்லை
உனை வெறுக்கும் நாடகத்தில்
புத்திகெட்ட அற்ப மனதிற்கு
❤️
உடலுன்னை வெறுக்கிறது
விழி உன்னை தவிர்க்கிறது
மனம் மட்டும் தவிக்கிறது
ஓ..அது தானே உன்னை காதலித்தது
❤️

படு ஆழத்தில் தள்ளிய
சதிகாரனைத்தேடுகின்றேன்
கடைசியில் அவன்பெயர்
காதல் என்றார்கள்
❤️

Advertisements

Add a comment பிப்ரவரி 14, 2018

உன் பின் நான் அல்லது
என் பின் நீ
அல்லது எதிரெதிர்
காதல் ஒற்றயடிப்பாதை

Add a comment பிப்ரவரி 14, 2018

ஜன்னல் தின்றுமிழ்ந்த
எச்சில் ஒளி நீண்டது
இருளைத்தேடி

சுவரெங்கும் வியாபித்து
நாவால் துலாவியது உணவாய்

சுருங்கி விரியும் அதன்
கைகளுக்குள் அகப்படாமல்
கிணற்று ஆழ்கருமையில்
மையென கரைந்தேன்

ஒளியில் கூசும் என்
இருள்வெளிச்சம் என பயந்து

Add a comment பிப்ரவரி 14, 2018

உமாவும் கவிதையும்:–

27

விதிகளற்றது நம் சாலை
இருமருங்கிலும்
சோலைகளோ
மணல் மேடுகளோ
நினைக்கும் எண்ணத்தில்
நிறையும் வண்ணத்தில்

நடக்கும் விபத்துகள்
வலிக்கும் வலியை வழிக்கும்
நொடியில் மறக்கும்
மீண்டும் பயணிக்கும்

தொடங்கிய நாளுக்கொரு
முத்த சாட்சியை
பக்கத்தில் வைத்து
முடியும் நாள் தெரியாமல்
மூவரும் பயணிக்கிறோம்

நீ
நான்
காதல்

Add a comment மே 27, 2016

உன் கோபத்தை
மிடரி மிடரி விழுங்குகிறேன்
அழுத்தி பிடித்திருக்கும்
உன் வார்த்தைகளை
கடித்தெடுக்கிறேன்
அடைத்த தொண்டையய்
கணைத்து கண் சிவக்க
போடி என துப்புகிறாய்
என் கடைசி மிடரலை
26.jpg

Add a comment மே 27, 2016

உமாவும் கவிதையும்:–

25.jpg

முத்தங்களால்
உயிர்த்தெழ வைக்கிறாய்
கோபங்களால்
கொன்று விட்டு

Add a comment மே 27, 2016

ஒரு ஓரம்
தலை சாய்த்து
இரு கை நீட்டி நீ
அழைக்கையில்
ஓடி வர
உந்தியதில்
உருண்டோடியது
உலகம்
23.jpg

Add a comment மே 27, 2016

உமாவும் கவிதையும்:–

21.jpg

நீ தங்கி இருந்த
அறைக்குள்
சங்கமிக்கிறேன் நான்

தலைமுடியுடன்
உருண்டு
காகிதத்தில் படபடத்து
திரைச்சீலையில்
அசைகிறேன்

அங்கிங்கும் உனைத்தேடி
உன் மிச்ச மூச்சை
உள்ளிழுத்து
திரும்புகிறேன் என்
மூச்சுக்குழலில்
இசையாய்

Add a comment மே 27, 2016

உமாவும் கவிதையும்:–

9.jpg

யாழ் மீட்டும் ஒருவனுக்கும்
எனக்கும் காதல்
அவன் ராகங்களாலேயே
ரகசியம் சொல்கிறான்
கம்பிகளுக்கிடையில்
காற்றாக விளையாடி
அவன் கேசம் கலைப்பதே
என் நோக்கம்
பிரியும் ஒலியய் இசையாக்கும்
இயந்திரம் அவன்
அதன் நுட்பமாய்
உளண்றபடி நான்
எங்கேனும்
யாழிசை கேட்டால்
பருகுங்கள் இசையை
சுவாசிக்ககூடும் எங்களை

Add a comment மே 27, 2016

உமாவும் கவிதையும்:–

5

இந்த கல்லூரி மரத்தடியில்தான்
இரண்டு கல்லிட்டு எனை
அமரச்சொன்னாய்

பத்தடி தூரத்தில் அமர்ந்து
பார்வையால் காதல் தொடுத்தாய்

மட்கிய வேப்பிலையய்
கிளறியபடி மனதையும்
கிளறி பார்க்கிறேன்

நீ இல்லையெனச்சொல்லி
வெடுகென்று எழுந்தவளை
தடுத்துப்பிடித்த உன் கைகள்
வலிக்கச்சொன்னது
உன் காதல் வலிமையை

அந்த கல்லூரியய்த்தான்
இப்போது கடக்கிறேன்
வலித்த கையய் தடவியபடி
மட்கிய வேப்பிலை மனதுடன்

Add a comment மே 27, 2016

பக்கங்கள்

பிரிவுகள்

தொடுப்புகள்

மேல்

நாட்காட்டி

ஏப்ரல் 2018
தி செ பு விய வெ ஞா
« பிப்    
 1
2345678
9101112131415
16171819202122
23242526272829
30  

Most Recent Posts